Portail Electronique de l'Algérie

Accueil  Blog  Nouvelles  Télécharger  Liens  FAQ 

ندخل في مشروع

Rubrique : نكت - par djoudi

واحد الماصو دخل للدار لعشية ...بدل حوايجو

حكم التيليكوموند و قابل التليفزيون

و قالها يا مرا ...الله يسترك قطيعينا هاذيك الدلاعة 

و حطيها تبرد الرحمة على والديك ...

أيا قاتلو : يعني هكذا ..غير التفراج ...ما تحكي معايا ..

ما تريح تتناقش ...!؟  علاش حنا ما نتناقشوش في كاش موضوع كيما تاع المسلسلات و كل واحد يمد رايو  !!?

هنا خونا دار رفعة شمة و قالها :

صحا يا سيدي نتناقشو ...زعما لو كان ندخل في مشروع ونفشل فيه واش ندير ؟

قاتلو : باينة ما تبقاش أتبع في خسارتك ...جرب مشروع آخر

قالها : اوكي ... ولوكان ننجح فيه واش ندير ؟

قالت : توسع في مشروعك أكثر ودير مشاريع أخرى جديدة....

هنا عاود سقساها : أيوااه درك نتي واش رايك في مشروع زواجنا ؟!!!

فاشل ولا ناجح ؟؟!

يُقال أنها الى يومنا هذا ما نطقتش بكلمة 

هنا هي حارتلها واش تجاوب ...تقول فاشل يجرب غيرها .. تقول ناجح يوسّع فالمشروع ! 

العبرة من القصة: أخطيك من المناقشة و التفلسيف يامرا


Date de création : 14/01/2021 17:00
Page lue 903 fois
Haut

© 2004-2023