الثور كي يطيح يكثرو مواسو
واللحم كي يريح يهزوه ناسو
والجايح كي تقيمو يعلا ساسو
ولي كبروه المحاين يشيب راسو
ولي تعاونو فالقبر يهربلك بفاسو
دارت الدنيا والرجال راهم يتقاسو
حتى الحمار واسمح في حلاسو
ولي عندو شي جنان خانو عساسو
شوف بعينيك حيين وراهم ينداسو
حتى السبع دخلت سوسة في ضروسو
والذيب راه يتحكم وينوع في لباسو
والجاجة تشطح للديك في ليلة عرسو
والفاهم يفهم لغة الطير وحافظ دروسو